யேசுவின் அன்பை மறந்திடுவாயோ

யேசுவின் அன்பை மறந்திடுவாயோ
மறந்திடுவாயோ மனிதபண்பிருந்தால்
மறந்திடாதிருக்க நீர் சிலுவையிலே அவர்
மரித்து தொங்கிடும் காட்சி மனதில் நில்லாதோ
யேசுவின் அன்பை…

1
அளவில்லா அன்பு அதிசய அன்பு
ஆழம் அகலம் நீளம் எல்லைகாணா அன்பு
களங்கமில்லா அன்பு கருணைசேர் அன்பு
கல்வாரி மலைக் கண்ணீர் ததும்பும் அவரன்பு

2
அலைகடலைவிடப் பரந்த பேரன்பு
அன்னைமார் அன்பெல்லாம் திரையிடும் அன்பு
மலைபோல் வளர்ந்தென்னை வளைத்திடுமன்பு
சிலையெனப் பிரமையில் நிறுத்திடுமன்பு

3
எனக்காக மனுவுரு தரித்த நல்லன்பு
எனக்காகத் தன்னையே உணவாக்கும் அன்பு
எனக்காகப் பாடுகள் ஏற்ற பேரன்பு
எனக்காக உயிரையே தந்த தேவனன்பு