ஆண்டவரின் திருக்காட்சி பெருவிழா

(எசா 60: 1-6; எபே 3: 2-3, 5-6; மத் 2:1-12)

முன்னுரை

வரலாற்றையே படைத்த இறைவன் வரலாற்றில் காலம், இடம் இவற்றிக்கு உட்பட்டவராக பிறந்தார். இவர் இஸ்ரயேல் குலத்தில் பிறந்திருந்தாலும் தன்னை எல்லா மக்களுக்கும் ‘தானே இறை மீட்பர்’ என்று புறவினத்தாருக்கும் வெளிப்படுத்தி தன்னுடைய மீட்பு திட்டத்தில் பங்கு கொள்ள அழைப்பு விடுக்கிறார். இன்றைய சூழ்நிலையில் நாம் இறைபிரசன்னத்தை உணர்ந்து, பிற மக்களும் கிறிஸ்துவை அறிய, கிறிஸ்துவுக்குள் வாழ கிறிஸ்துவை வெளிப்படுத்துகிறோமா? என்பதை சிந்திக்க அழைக்கின்றது இன்றைய திருவழிபாட்டு வாசகங்கள். எனவே அனைவரும் இறைவெளிப்பாட்டை, இறைபிரசன்னத்தை உணர எனது பங்களிப்பை கொடுப்பேன் என்ற சிந்தனையோடு இத்திருப்பலியில் பங்கெடுப்போம்.

முதல் வாசகம் (எசா 60: 1-6)

இஸ்ரயேல் மக்கள் பிற நாட்டவரால் அடிமைகளாக பல வழிகளில் நசுக்கப்பட்டனர். சொந்த நாட்டையும், வழிபட்டு வந்த கோவிலையும் இழந்து வேதனைப்பட்டுக் கொண்டிருந்த வேளையில், ஆண்டவர் பிற இனத்தவரும் உன் ஒளி நோக்கி வருவர், எருசலேமே எழுந்து ஒளிவீசு! என்று இறைவாக்கினர் எசாயா மூலம் நம்பிக்கை ஊட்டுவதை இவ்வாசகத்தில் கேட்போம்.

இரண்டாம் வாசகம் (எபே 3: 2-3)

புறவினத்தாரின் திருத்தூதர் என்று அழைக்கப்படும் புனித பவுலடியார் பிற இன மக்களும் கிறிஸ்து இயேசுவை அறிந்து புதிய உடன்படிக்கையின் பங்காளிகளாக மாறுகின்றனர் என்று இவ்வாசகத்தில் கூறுகின்றார்.

இறைமக்கள் வேண்டல்

1. அன்புத் தந்தையே இறைவா! எம் திருச்சபையை வழிநடத்தும் திருத்தந்தை, ஆயர்கள், குருக்கள், கன்னியர்கள், துறவறத்தார், மற்றும் பொதுநிலையினர் அனைவரும் தங்களிடம் ஒப்படைக்கப்பட்ட மக்களுக்கு உண்மை கிறிஸ்துவை வெளிப்படுத்தும் கருவிகளாக இருக்கவும் மக்களை கிறிஸ்துவுக்குள் வழி நடத்த அவர்களுக்கு தேவையான ஆற்றலைத்தர இறைவா உம்மை மன்றாடுகின்றோம்.

2. அன்பின் அரசே! எம் நாட்டை ஆளும் தலைவர்கள் தங்களுக்குள் இருக்கும் குறுகிய மனப்பான்மையை களைந்துவிட்டு பரந்த மனத்துடன் மக்களுக்கு சேவை செய்ய ஆற்றலையும், ஞானத்தையும் தர இறைவா உம்மை மன்றாடுகின்றோம்.

3. நல்லாயனே இறைவா! நாங்கள் அனைவரும் எங்களின் வாழ்வில் கிறிஸ்துவை வெளிப்படுத்த தடையாக இருக்கும் கர்வம், ஆணவம், பொறாமை, போட்டி மனப்பான்மை போன்றவைகளை களைந்து கிறிஸ்துவுக்கு சான்று பகர்கிறவர்களாக திகழ இறைவா உம்மை மன்றாடுகின்றோம்.

4. பாதுகாப்பின் நாயகனே! எம் பங்கில் இருக்கின்ற நோயாளிகள், முதியவர்கள், கைவிடப்பட்டவர்களுக்கு எங்களால் முடிந்த உதவிகளை செய்து அவர்களை உமது அன்பில் திளைக்கவைக்க அருள்தர இறைவா உம்மை மன்றாடுகின்றோம்.

நற்செய்தி முழக்கம் (மத் 2:1-12)

கிறிஸ்து இயேசுவில் பிரியமான சகோதர, சகோதரிகளே! கிறிஸ்து பிறப்பு விழாவினைக் கொண்டாடிய ஒரு சில நாட்களுக்குப் பின் நாம் திருச்சபையோடு இணைந்து திருக்காட்சி, மூன்று அரசர்கள் பெருவிழாவினை கொண்டாடுகிறோம். இந்த நாள் இயேசு தன்னையே உலகிற்கு ஒளியாக வெளிப்படுத்திய நினைவு நாள். ‘உலகின் மீட்பர்’ (யோவா 4:42) தான் உதித்த யூத குலத்திற்கும், நாட்டிற்கும் அப்பாற்பட்டு, ‘உலகனைத்திற்கும் உரியவன் நான்’ எனப் பறைசாற்றும் நாள். புறவினத்;தார்க்கு மூடியிருந்த மீட்பின் கதவுகள் அன்பிறைவன் கிறிஸ்து இயேசுவால் திறக்கப்பட்ட நாள் இந்நாள். நம் வாழ்வில் இவ்விழாவினை நம்பிக்கையின் அடிக்கல் நாட்டுவிழா எனச் சொல்லலாம். ஏனென்றால் இன்று இறைவன் தன்னையே நமக்குக் குழந்தை உருவில் வெளிப்படுத்துகின்றார்.

திருட்காட்சி ஆங்கிலத்தில் நுpiphயலெ என்று அழைக்கப்படுகிறது. இவ்வாhர்த்தையின் கிரேக்க மூலச்சொல்லாகிய ‘எப்பிபனியா’ (நுpiphயnயை) என்ற சொல் ‘இறைவனின் வெளிப்பாடு, இறைச் சக்தியின் வெளிப்பாடு அல்லது இறைமாட்சியின் வெளிப்பாடு’ என்று பொருள் தரும். இதனை ‘திருவெளிப்பாடு’ எனவும் அழைக்கலாம்.

பழைய ஏற்பாட்டில் இறைவாக்கினர்களால் முன்னறிவிக்கப்பட்டவர்கள், ‘இயேசு என்னும் ஒளியை தேடி’ பல நாடுகளில் இருந்தும் “உன் உதயக் கதிர்நோக்கி நடைபோடுவர்” (எசா 60:3) என்று முன்மொழியப்பட்டதற்கு ஏற்ப மூன்று ஞானிகளும் இயேசுவைத் தேடி சென்றார்கள்.

மாந்தர் அனைவரும் இறைவனைத்தேடி வந்து அவரைக் கண்டுகொள்வார்கள் என்கிற கருத்தைத்தான் இன்றைய மூன்று வாசகங்களும் வலியுறுத்துகின்றன. கிறிஸ்து பிறந்தவுடன் வெட்டவெளியில் கடுங்குளிரில் நடுங்கிக்கொண்டு சாமக்காவல் புரிந்துக்கொண்டிருந்த இடையர்களுக்குத்தான் முதன் முதலாக வானதூதர் தோன்றி நற்செய்தயை அறிவித்தார். நற்செய்தியை கேட்ட இடையர்கள் தேடிச் சென்று சந்தித்தனர். விண்மீன் அடையாளத்தைக் கண்ட கீழ்த்திசை ஞானிகள் குழந்தை இயேசுவை தேடிச் சென்று பொன்னும், சாம்பிராணியும், வெள்ளைப் போளமும் காணிக்கையாக செலுத்தி வணங்கி மகிழ்ந்தனர். இவ்வாறு விண்மீனின் அடையாளத்தை வைத்து தேடிச் சென்றதால் அவர்களின் தேடல் தனித்துவம் பெறுகிறது.

ஞானிகள், அரசர்கள் என்று உலகத்தால் போற்றக்கூடியவர்கள். அப்படிப்பட்டவர்கள் சிறு குழந்தையிடம் நெடுஞ்சாண்கிடையாய் விழுந்து வணங்குகிறார்கள் (மத் 2:11). ஆம், இயேசு கிறிஸ்து என்ற ஒளியை வாழ்வில் காண ஆர்வத்தோடு தேடிச் சென்று கண்டார்கள். எனவே நாம் எந்த மனநிலையோடு ஆர்வத்தோடு இயேசுவை தேடி செல்கிறோமோ அந்த அளவுக்குதான் கண்டடைவோம்.

மனதில் செருக்கில்லாமல், ஆணவமில்லாமல் தாழ்ச்சியோடும் பணிவோடும் இயேசுவை தேடுகின்றபோது உன்னத ஒளியாம் இயேசுவை கண்டடைவோம் ஞானிகளைப்போல. ஏனென்றால் ஒளியானது பாவ இருளை சுட்டெரிக்கும் தீப்பிழம்பாகும். இருளை புறங்காணச் செய்யும், இருண்ட இதயத்தில் நம்பிக்கை தீபத்தை ஏற்றும், பகைமையை நீக்கி பாசத்தை பெருக்கும். இப்படிப்பட்ட ஒளியாய் இயேசுவைக் கண்டு வணங்கி மகிழ்ந்தனர் புறவினத்த்து ஞானிகள் (மத் 2:11). ஆனால் ஏரோது, ஞானிகள் “யூதர்களின் அரசராக பிறந்திருக்கிறவர் எங்கே?.... அவரை நாங்கள் வணங்க வந்தோம்” என்ற வார்த்தையை தவறாகப் புரிந்துகொண்டு இயேசுவைக் கொல்வதற்கு திட்டம் தீட்டினான். இங்குதான் ஒளியில் இருளின் செயல்பாடு தெரிகிறது.

ஏரோது தவறான எண்ணத்தோடு தேடியதால் இயேசுவை கண்டுபிடிக்க முடியவில்லை. ஆனால் எவ்வளவு கஷ்டங்கள், துன்பங்கள், இன்னல்கள் மத்தியிலும் விடாமுயற்சியோடும், தன்னம்பிக்கையோடும் இயேசுவை ஞானிகள் தேடினார்கள் ஒளியாம் கிறிஸ்துவை கண்டார்கள்.

கிறிஸ்து என்னும் வாழ்வின் ஒளி திருமுழுக்குப் பெற்ற நம் ஒவ்வொருவருக்குள்ளும் இருக்கிறது. ஆனால் நமது சுய நலப்போக்கினால், தான், தனக்கு, என்னுடையது, எனக்கு என்ற பேராசை எண்ணத்தினால், வளர்ந்துவரும் அறிவியல் மாற்றத்தினால், நுகர்வு கலாச்சாரத்தினால், உள் ஒன்றும் புறம் ஒன்றும் பேசுவதினால், மற்றவர்களின் வளர்ச்சிக்கு தடையாக இருப்பதினால் இருளின் ஆதிக்கம் வாழ்வின் ஒளியை மறைத்துக் கொண்டுள்ளது.

எனவே கிறிஸ்து என்னும் ஒளி நமக்குள் இருக்குமானால் நாம் ஒளியின் மக்களாக, அன்பின் மக்களாக, சமாதானத்தின் மக்களாக இருப்போம். நம்மில் இருக்கும் தீய எண்ணங்கள், தீய குணங்கள், மனக்கவலைகள் போன்றவற்றை நீக்கி இடையர்களைப்போல, ஞானிகளைப் போல நம்பிக்கையோடு இயேசு என்னும் ஒளியைத்தேடுவோம். வாழ்வு பெறுவோம். எனவே நம்முடைய உள்ளத்திலும், இல்லத்திலும் இயேசு என்னும் ஒளியைக் கண்டு பெருமகிழ்ச்சியடைவோம், வாழ்வு பெறுவோம்.

- அ. இராயப்பன்

ஆண்டவரின் திருமுழுக்கு (III Year)

(எசா 42: 1-4, 6-7; திப 10: 34-38; மத் 3:15-16,21-22)

அன்புக்குரியவர்களே! கிறிஸ்துவில் நம்மையே நாம் முழுமையாக அர்ப்பணித்து, கிறிஸ்தவக் கோட்பாடுகளுக்கு அர்த்தங்களை கண்டுபிடிக்க ‘ஞானஸ்தானம்’ என்ற திருவருட்சாதனம் முழு பலனை நமக்கு தருகிறது. “கிறிஸ்தவன்” என்று தலைநிமிர்ந்து நாம் சொல்ல ஞானஸ்தானமே நமக்கு ஊட்டச்சத்து. இன்று ஆண்டவரின் ஞானஸ்தான விழாவை கொண்டழாடுகின்றோம். இயேசு பெற்ற திருமுழுக்கு மாந்தர் அனைவரையும் மனமாற்றத்திற்கு அழைத்துச் செல்லும் ஓர் அடையாளச் செயலாகும். இயேசுவின் ஞானஸ்நானம் விளிம்பு நிலைமக்கள், பாவிகள், தொழுநோயாளர் இவர்களுடன் நெருக்கமான உறவையும், தோழமையையும் எடுத்துக்காட்டும் செயலாகும். நாமும் வாழ்வில் விளிம்பு நிலைமக்கள் வலிமைபெற இத்திருப்பலியில் மன்றாடுவோம்.

முதல் வாசகம் (எசா 42: 1-4, 6-7)

இஸ்ராயேல் மக்கள் பாபிலோன் அடிமைத்தனத்தில் இறைவனின் வருகைக்காக, பல விதமாக எண்ணிக் கொண்டிருக்கும் வேளையில எசாயா ஆண்டவரின் ஊழியனைப் பற்றி இறைவாக்காக கூறுகிறார். இறைவாக்கினர் எசாயா இறைவனால் தேர்ந்தெடுக்கப்பட்டு ஆவியினால் நிரப்பப்பட்டவர், நீதி, உண்மை அறத்தை நிலைநாட்ட வருகிறார். திருமுழுக்கில் இ.றைவனால் தேர்ந்தெடுக்கப்பட்ட நாம் ஆண்டவரின் ஊழியனைப் போல வாழ்கிறோமா என் எசாயா கூறுவதைக் கேட்போம்.

இரண்டாம் வாசகம் (திப 10: 34-38)

கிறிஸ்து ஒருவரே ஆண்டவர் என் அறிக்கையிடும் நாம் அனைவரும் தூய ஆவியானவரின் அருளைப் பெற்று, இயேசுவைப் போல் தீயஆவியை வென்று, நம்மில் யாரும் வேற்றுமை பாராட்டாமல் இவ்வுலகில் நிலையான அமைதியைக் கொண்டுவர ஒற்றுமையுடன் இருந்து இறைவனுக்கு ஏற்புடையவர்களாக வாழ இன்றைய இரண்டாம் வாசகம் அழைப்பு விடுப்பதை கவனமுடன் கேட்போம்.

இறைமக்கள் மன்றாட்டு

1. அருளின் ஊற்றே இறiவா! எங்கள் திருத்தந்தை, ஆயர்கள், குருக்கள், துறவியர் அனைவரும் தங்களின் அழைத்தலின் மேன்மையை உணர்ந்து, இறைவிருப்பத்தின்படி நடந்து மக்களi தூய ஆவியின் வழியில் நடத்த இறைவா உம்மை மன்றாடுகின்றோம்.

2. ஞானத்தின் பிறப்பிடமே எம் இறைவா! எங்கள் நாட்டு அரசியல் சமுதாய தலைவர்கள் அனைவரும் மக்களை நல்வழியில் அக்கறையுடன் சுயநலமில்லாமல் செயல் திட்டங்கள் தீட்ட அதனை செயல்படுத்த அருளைதர இறைவா உம்மை மன்றாடுகின்றோம்.

3. வார்த்தையில் சவை தந்திடும் இறைவா! எங்கள் பங்கு மக்கள் அனைவரும் திருமுழுக்கில் கொடுத்த வாக்குறுதிகளை புதுப்பித்து இறுதிவரை இறையன்பிலும் பிறரன்பிலும் அமைதியிலும் நிலைத்து வாழ இறைவா உம்மை மன்றாடுகின்றோம்.

4. இவரே என் அன்பார்ந்த மகன் என்று கூறிய இறைவா! நாங்கள் ஒவ்வொருவரும் எங்களிடத்தில் இருக்கும் சுயநலம் கோபம், தீயநெறி ஆகிய பாவ இயல்பை களைந்து ஆவியின் கொடைகளைப் பெற்று அருள் வாழ்வில் திளைத்திடும் புதுவாழ்வை மலரச் செய்ய வேண்டுமென்று இறைவா உம்மை மன்றாடுகின்றோம்.

நற்செய்தி முழக்கம் (மத் 3:15-16,21-22)

கிறிஸ்துவில் பிரியமானவர்களே, 1964ம் ஆண்டு ஜனவரி மாதம் திருத்தந்தை 6ம் சின்னப்பர் இயேசு பாலஸ்தின நாட்டிற்க திருப்பயணம் சென்றார். இயேசு திருமுழுக்கு பெற்ற யோர்தான் நதிக்கரையில் முழந்தாள் படியிட்டார். யோர்தான் தண்ணிரில் கைகளை நனைத்து நம்பிக்கை அறிக்கை செபத்தை சொன்னார். ஏனெனில் நமது கிறிஸ்தவ மறையின் அடிப்படை உண்மைகள் அனைத்தும் இதில் அடங்கியுள்ளன. இறைமகன் இயேசு திருமுழுக்கு யோவான் கையால் திருமுழுக்கு பெற்ற இதே நதியில்தான் இறைவன் ஒரேகடவுள், ஆள் வகையில் மூவராக இருக்கிறார் என்ற மறை உண்மை வெளிப்படுத்தப்பட்டது. யோர்தான் என்றால் “இறங்குகிறவர்” என்று பொருள். இயேசு திருமுழுக்கு பெற்றது நான்கு நற்செய்தி நூல்களும் குறிப்பிடுகின்றன. இயேசு திருமுழுக்கு பெற்ற இடம் தூய்மை நிலமாகிய புண்ணிய பூமியின் கையப் பகுதியாகும். யோர்தான் நதியில் மேற்குக் கரையில் பெத்தபெரா என்ற இடத்தில் இந்நிகழ்ச்சி நடைபெற்றது. இயேசு திருமுழுக்கு பெற்ற இடம், யோசுவா இஸ்ரயேல் மக்களை இறைவனால் கூறப்பட்ட புண்ணிய பூமிக்கு அழைத்துக் கொண்டு கடந்த சென்ற இடம் என்றும் யூதர்கள் கூறுகின்றனர்.

இயேசு யோர்தான் ஆற்றில் திருமுழுக்கு பெற்ற இடத்தில் முக்கோண வடிவில் அமைந்துள்ள கற்பாறை மேடை இன்றும் அடையாளமாக விளங்குகின்றது. இயேசுவின் மீது தூய ஆவி, புறா இறங்குவதுபோல இறங்கிய இடமும் யோர்தான் நதிக்கரையில் அடையாளமாக விளங்குகின்றது. இதன் இரு கரைகளிலும் பலவகை மரங்கள் உள்ளன (எரே 12,5, 50,44).

இயேசுவின் திருமுழுக்கை 3 விதமான நிலைகளில் நாம் அறிந்துக் கொள்ளலாம். 1. வானம் திறந்தது 2. தூய ஆவியின் அருட்பொழிவு 3. வானகத்தில் ஒலித்த தந்தையில் குரல்.

1. வானம் திறந்தது.

இயேசு திருமுழுக்குப் பெறும்போது தந்தையோடு ஒன்றிணைந்திருந்தார் என்பது வெள்ளிடை மலையாகும். வானம் திறந்தது என்பது இறையுறவின் ஒன்றிப்பில் என்பது தெளிவாகிறது. மகனும், தந்தையும் ஒருவரை ஒருவர் சந்திக்கின்றனர். வானம் திறக்கப்படுதல் என்றால் விண்ணும் மண்ணும் ஒன்றிணைக்கப்படுவதின் அடையாளச் செயல் எனலாம். அதாவது இறைவன் இனி அணுகமுடியாத தொலைவில் இருப்பவர் அல்ல மாறாக அண்மையில் மக்களின் அருகில் மக்களோடு என்றும் இருப்பவர் என்பது பொருளாகும். மக்களது வாழ்வில் பின்னிப் பிணைந்திருப்பவர், மக்கள் மீது அக்கறை கொண்டிருப்பவர். இதைத்தான் மழையும், பனியும் வானத்திலிருந்து இறங்கி வருகின்றன, அவை நிலத்தை நனைத்து, முளை அரும்பி வளரச் செய்து விதைப்பவனுக்கு விதையும், உண்பவனுக்கு உணவும் தருகின்றன என்று எசாயா 55:10 கூறுகிறது. இது ஓர் அடையாளச் செயலாகிறது.

2. தூய ஆவியானவரின் அருட்பொழிவு

கடவுள் உலகத்தை படைக்கும் போது, கடவுளின் ஆவி நீர்திரளின் மேல் அசைவாடிக் கொண்டிருந்தது (தொநூ 1,2) மேலும் அந்த ஆவியானவர் இஸ்ராயேல் மக்களை வழிநடத்தி வந்தார் என்று பார்க்கிறோம். அதே ஆவியானவர் இயேசுவின் மீது வல்லமையுடன் இறங்கி வந்ததால் மானிட வரலாற்றில் மீண்டும் ஒரு புதிய காலம் புதிய படைப்பின் காலம் தொடங்கியது எனலாம். இதுவரை இருந்த பழைய வாழ்க்கையை விட்டுவிட்டு பதிய வாழ்க்கை இம்மண்ணில் புலரும் என்பதன் அடையாளம் தான் இதுவாகும். காலம் நிறைவேறிவிட்டது, “இறையாட்சி நெருங்கி விட்டது” (மாற் 1,15) என் இயேசு கற்பிக்க தொடங்குகிறார்.

தூய ஆவியின் வல்லமையைப் பெற்ற இயேசு ஏழை, பணக்காரர் என்று பாராமல் அனைவருக்கும் இறையரசை போதிக்கிறார். அனைவருக்கும் சமத்துவம் என்ற கொள்கையிலே தன்னுடைய போதனைகளை தொடர்கிறார். பணிவாழ்வில் அனைவருக்கும் முன் அவரவருடைய நிறை, குறைகளை எடுத்துக்கூற தூய ஆவி அவருடைய உள்ளத்தில் உறுதியைத் தருகிறார். எதை உண்பது, எதை உடுப்பது என்று கவலை கொள்ளமல் நேர்மையை நோக்கி தந்தையின் திருவுளத்தை நிறைவேற்றுகிறார்.

3. வானத்தில் ஒலித்த தந்தையின் குரல்.

“என் அன்பார்ந்த மகன் நீயே, உன் பொருட்டு நான் பூரிப்படைகிறேன்” (லூக் 3,22) என்று வானத்திலிருந்து ஒலித்த குரல், தந்தை இயேசுவின்மீது வைத்திருந்;த ஆழ்ந்த அன்பை வெளிக்காட்டுகிறது.

திருமுழுக்கு பெற்றநாம் ஒவ்வொருவரும், நம்முடைய இதயத்தில் தூய ஆவி வழிநடத்த இடமளிப்போம். தூய ஆவியின் வழியில் நாம் நடக்கும்போது அனைத்து தடைகளையும் இறைஇயேசுவைபோல் எதிர்த்து செயல்பட முடியும். நீரே என் அன்பார்ந்த மகன் (லூக் 3,22) என்று தந்தை மகனாகிய இயேசுவை உறுதிப்படுத்தப்பட்டதைப் போல் திருமுழுக்கு பெறும் ஒவ்வொருவரும் கிறிஸ்தவன், கிறிஸ்தவள் என்று உறுதிப்படுத்தப்படுகிறோம். திருமுழுக்கு யோவான் திருமுழுக்க பாவமன்னிப்பைக் கொடுக்கவில்லை, இயேசுவின் திருமுழுக்கு பாவ மன்னிப்பைக் கொடுக்கிறது. இயேசு பெற்ற திருமுழுக்கு மனந்திரும்பதலை காட்டுகிறது (மத் 3,11). அன்று யூதர்களுக்கு வழங்கப்பட்ட திருமுழுக்கு அது இயேசுவுக்கு தேவையில்லாத ஒன்று. ஆனால் இன்று நாம் பெறும் திருமுழுக்கு இயேசுவை நம் வாழ்வில் பிரதிபலிப்பதில் அடங்கியிருக்கிறது. அதனை வாழ்வில் வெளிக்காட்டுவோம்.

- சகோ.N. சின்னப்பராஜ்

இறையியல் 4ஆம் ஆண்டு (2009)

ஆண்டின் பொதுக்காலம் 3-ம் ஞாயிறு (III Year)

(நெகே 8: 2-6,8-10; 1கொரி 12:12-30; லூக் 1:1-4; 4:14-21)

முன்னுரை

தவிக்கின்ற மனிதனுக்குத் தேவை வாழ்வு பெற நல்வழி காட்டும் திருநூல், அது என்றும் அழியா இறைவார்த்தைகள் அடங்கிய அற்புதநூல். அது அறியப்பட வேண்டும். புதிய சமுதாயம் படைக்கப்பட வேண்டும். ஏனென்றால் திருநூல் இறைவன் எழுதியக் கடிதம். பதில் எழுதுவது நம் கடமை. இறை பேரன்பின் வெளிப்பாடுதான் திருநூல் என அறிய வேண்டும. இன்றைய முதலாவது மற்றும் நற்செய்தி வாசகத்திலும் திருநூல் பிரிக்கப்பட்டு வாசிக்கப்பட்டது என்று தெளிவாகச் சொல்லப்படுகிறது. உயிருள்ள இறைவார்த்தைகள் அடங்கிய எட்டுச்சுருள் வாசிக்கப்பட உயிற்ற, உணர்வற்றிருந்த மனித இதயங்கள் உயிர் பெறுகின்றன. அழுகின்ற நேரமல்;ல. ஆனந்தம் அடைந்து ஆண்டவனை மகிழ்விக்கின்ற நேரம் என்கின்றன. அதற்கு அடிப்படையாக இறைவார்த்தையின் மீது நம்பிக்கை வேண்டும் என்பதை உணர்த்துகின்றன.

இறைவார்த்தையின் முழு நிறைவான இயேசுவை உணர்ந்திடவும், அவரால் வாழ்வு பெற்றிடவும், இப்பலியில் வரம் கேட்போம் என்றும் நம் குடும்பங்கள் திருநூலைப் போற்றவும், பொருள் புரிந்து வாசிக்கவும் ஆவியின் அருட்கொடைகளால் புதுப்பிக்கப்பட்டு வாழவும் அருள் வேண்டுவோம். ஏன்னில் இன்று இறைவார்த்தை நிறைவேறியது என்ற உறுதியுடன், மகிழ்வுடன் இப்பலியில் பங்கேற்போம்.

முதல் வாசகம் (நெகே 8: 2-6,8-10)

கி.மு. 587ல் பாபிலோனிய மன்னன் நெபுகத்தனேசர் எருசலேம் நகர் மீது படையெடுத்தது மட்டுமல்லாமல் யூதர்கள் அனைவரையும் தனது நாட்டிற்கு அடிமைகளாகக் கொண்டு செல்கிறான். ஆனால் கி.மு. 536ல் சைரசு என்ற மன்னன் ஆட்சிக்கு வந்ததும் அடிமைகளாக இருந்த யூதர்களுக்கு விடுதலை வழங்குகிறான். தாங்கள் இறைவனின் சினத்திற்கு ஆளாகி நாடு கடத்தப்பட்டோம் என்பதை உணர்கிறார்கள். இனிமேல் இந்நிலை ஏற்படக்கூடாது என்பதற்காக மனம் மாறியவர்களாய் உண்மை இறைவனுக்கு கீழ்ப்படிந்து வாழவும், திருச்சட்ட நூலின் படி வாழவும் உறுதி எடுக்கின்றனர். அப்போது குருவாய் இருந்த எஸ்ராவிடம் திருநூலை வாசிக்கும்படி அணைவரும் தண்ணீர் குளத்திற்கு அருகே வருகின்றனர். இச்சூழலில் திருநூல் வாசிக்கப்படுவதை கேட்போம்.

இரண்டாம் வாசகம் (1கொரி 12:12-30)

தொடக்கக்கால திருச்சபையில் திருமுழுக்குபெற்ற உறுப்பினர்களாக இருந்தவர்கள் யாரென்றால் யூதர்கள், கிரேக்கர்கள், அடிமைகள், உரிமைக் குடிமக்கள், பிற இனமக்கள் ஆகியோர். இவர்கள் ஒவ்வொருவரும் தூய ஆவியின் அருட்கொடைகளையும் பல்வேறு வரங்களையும் பெற்றவர்களாக இருந்தனர். இதனால் பல்வேறு கருத்து வேறுபாடுகள் தோன்றி மக்களிடையே ஏற்றத்தாழ்வு தலை தூக்கத் தொடங்கியது. இதை உணர்ந்த திருத்தூதரான பவுல், தூய ஆவியின் வரங்கள் பலருக்கும் பலவேறு வகையில் பகிர்ந்தளிக்கப்பட்டு இருப்பது தன் சொந்த வாழ்வுக்காக அல்ல, மாறாக திருச்சபையின் வளர்ச்சிக்காக என்பதைச் சுட்டிக் காட்ட விரும்பி நாம் அனைவரும் கிறிஸ்துவின் மறையுடலாகவும், அதன் உறுப்புகளாகவும் இருக்கிறோம் என்பதை அறிவுறுத்தும் இவ்வாசகத்திற்க்கு செவிக்கொடுப்போம்.

இறைமக்களின் வேண்டல்

1. என் மந்தையின் ஆடுகளை பேணிகாக்க நான் மேய்ப்பர்களை நியமிப்பேன் என்று கூறிய இறைவா! எம் திருச்சபையை வழிநடத்தும் திருத்தந்தை, ஆயர்கள், குருக்கள் மற்றும் துறவறத்தார் அனைவருக்காகவும் மன்றாடுகிறோம். இவர்கள் இறைவார்த்தையின் மீது முழுநம்பிக்கை உடையவர்களாக மக்களுக்கு இறைவார்த்தையை அறிவிக்க தேவையான அருளை தரவேண்டி இறைவா உம்மை மன்றாடுகிறோம்.

2. சமாதானத்தின் இறைவா! நாட்டையாளும் தலைவர்களுக்காக மன்றாடுகிறோம். இவர்கள் அனைவரும் பொதுநலத்திற்காக அழைக்கப்பட்டவர்கள் என்பதை உணர்ந்து, சுயநலம் இன்றி மக்களின் தேவையை நிறைவேற்றும் நல்தலைவர்களாய் செயல்பட தேவையான அருள் வேண்டி இறைவா உம்மை மன்றாடுகிறோம்.

3. கண்பார்வையற்ற பர்த்திமேயுவை பார்த்து நீ போகலாம் உன் நம்பிக்கை உன்னை நலமாக்கிற்று என்று மொழிந்த இறைவா! நாங்கள் ஒவ்வொருவரும் நம்பிக்கையின் நட்சத்திரங்களாக செயல்பட்டு இறையாட்சியின் விழுமிங்களான அன்பு, நீதி, சமாதானம் அகியவற்றை வாழ்வாக்கி உமது இறைவார்த்தையை நிறைவேற்ற தேவையான சக்தி தரவேண்டி இறைவா உம்மை மன்றாடுகிறோம்.

4. துன்புற்ற இஸ்ரயேலை நோக்கி நான் ஆறுதல் அளித்து, உங்களை நீரோடைகள் ஓரமாக வழிநடத்தி செல்வேன் என்று கூறிய இறைவா! எம் பங்கிலும், இவ்வுலகிலும் வாழும் ஏழைகள், எளியோர், அனாதைகள், விதவைகள், முதியோர்கள் மற்றும் உடல நோயாளிகள் அனைவரையும் உமது ஆறுதலளிக்கும் கரங்களால் தொட்டு ஆசிரை பொழிந்தருள வேண்டி இறைவா உம்மை மன்றாடுகிறோம்.

நற்செய்தி முழக்கம் (லூக் 1:1-4; 4:14-21)

சிலர் அடிப்படையான ஒரு கொள்கையை தங்களுக்கே உரித்தான தனிப்பெருங்கொள்கையாக வைத்திருப்பார்கள். இது போன்று விவிலியத்தில் ஆதியாகமம் முதல் திருவெளிப்பாடுவரை, படைப்பு முதல் இறுதிவரை நாம் காணும் ஒரு அடிப்படை உண்மை “இறையன்பு”. இறைவன் தனது அன்பரசை உலகிலும், மனிதர் உள்ளத்திலும் அமைக்க எடுக்கும் முயற்சி கிளைப்போல் மீட்பு வரலாற்றில் இன்றும் ஓடுவதை நாம் காணலாம். இந்த அடிப்படையான இறையன்பு நமக்கு கிடைக்க இறைநம்பிக்கை வேண்டும்.

யோவானிடமிருந்து திருமுழுக்குப் பெறத் தீர்மானித்தது இயேசு எடுத்த முதல் முக்கியமான முடிவு என்றால், இரண்டாவது முக்கியமான முடிவு இயேசுவின் எண்ணத்தையும், நோக்கத்தையும் நமக்கு தெளிவாக்குகிறது. எல்லாரும் யோர்தானில் பாவங்களை அறிக்கையிட்டுத் திருமுழுக்குப் பெற்று அழிவிலிருந்து தப்பித்துக் கொள்வதன் வழியாக இஸ்ரயேலைக் காத்திட இயேசு நினைக்கவில்;லை. அவர் தேவை என்று கண்டது இன்னொன்று, அதாவது ஏழைகள், பாவிகள், பிணியாளர் போன்றவர்களிடம் அக்கறை காட்டுவது. இஸ்ரயேலில் தவறிப்போன ஆடுகளைத் தேடித் செல்வது - இதுவே இயேசு எடுத்த இராண்டாவது முக்கியமான முடிவு.

யோவான் திருமுழுக்குப் பெற்று மானமாற்றம் அடைய மக்களை அழைத்தார். இயேசுவோ அனைத்துத் தீமைகளிலுமிருந்து மக்களை விடுவிக்கக் தம் வாழ்வை அர்ப்பணித்தார்.

திருமுழுக்கு யோவான், மனமாற்றத்திற்கான திருமுழுக்கை வலியுறுத்தினார். இயேசுவோ அதற்கு பதிலாக நம்பிக்கையின் வலிமையை அழுத்திப் பேசினார்.

திருமுழுக்கு யோவான் பாவிகளுக்குப் போதித்தார் இயேசுவோ பாவிகளோடு தம்மை ஒன்றுப்படுதிக் கொண்டார்.

தொழுகைக் கூடத்தில் இயேசு, எசாயா நூலிலிருந்து ஒரு குறிப்பிட்ட பகுதியை வாசித்து விளக்கம் அளித்தாரா என்பதன்று பிரச்சனை. இயேசுவின் பணியை மிகவும் பொருத்தமாக விவரிக்கின்ற பகுதிகள் இவை, எனவே இப்பகுதிகளைத் தெரிந்தெடுத்து இயேசுவின் பணி எத்தகையதாய் இருந்தது என்று விளக்கிட லூக்கா முனைந்தது முற்றிலும் சரியே.

எசாயா நூல் பகுதிகளில் வருகின்ற காதுகேளாதோர், பார்வையற்றோர், காலூனமுற்றோர், வாய் பேசாதோர், ஒடுக்கப்பட்டோர், உள்ளம் உடைந்தோர், சிறைப்பட்டோர், கட்டுண்டோர் ஆகிய அனைவருமே “ஏழைகள்” மற்றும் “ஒடுக்கப்பட்டோர்” ஆவர். வௌ;வேறு விதங்களில் எழைகளாக இருப்பவர்களுக்கும் வௌ;வேறு வகையில் ஒடுக்கப்பட்டிருந்போருக்கும் இறைவன் எந்தெந்த வழிகளில் நலம் கொணர்வார் என்பதை இப்பகுதிகள் விளக்குகின்றன.

மத் 9,2 “இயேசு அவர்களுடைய நம்பிக்.கையைக் கண்டு முடக்குவாத முற்றவரிடம், மகனே, துணிவோடிரு, உன் பாவங்கள் மன்னிக்கப்பட்டன என்றார்.”

முடக்குவாதமுற்றவரின் நம்பிக்கையில் இயேசுவின் மறைநூல் வாக்கு நிறைவேறியது.

மத் 9,29 “பின்பு அவர் அவர்களின் கண்களைத் தொட்டு, நீங்கள் நம்பியபடியே உங்களுக்கு நிகழட்டும் என்றார்.”

பார்வையற்றோரின் நம்பிக்கையில் இயேசுவின் மறைநூல் வாக்கு நிறைவேறியது.

மாற் 1,41-42 “இயேசு அவர்மீது பரிவு கொண்டு தமது கையை நீட்டி அவரைத் தொட்டு அவரிடம், நான் விரும்புகிறேன், உமது நோய் நீங்குக என்றார். உடனே தொழுநோய் அவரைவிட்டு நீங்க, அவர் நலமடைந்தார்.”

தொழுநோயாளரின் நம்பிக்கையில் இயேசுவின் மறைநூல் வாக்கு நிறைவேறியது.

பார்வையற்றோர், முடக்குவாதமுற்றோர், தொழுநோயாளரின் நம்பிக்கையில் இயேசுவின் மறைநூல் வாக்கு நிறைவேறியது போன்று, நமது வாழ்க்கையில் நிறைவேற வேண்டும் என்றால் இறைவார்ததையின் மீது நமக்கு நம்பிக்கை வேண்டும். அப்படி இல்லை என்றால் நமது வாழ்க்கையில் கண் இருந்தும் குருடர்களாக, கால் இருந்தும் முடவர்களாக, காது இருந்தும் செவிடர்களாக தான் இருப்போம்.

பிரியமாணவர்களே, இறைவார்த்தையின் மீது நம்பிக்கை வைப்போம், நமது வாழ்க்கையிலும் இயேசுவின் மறைநூல் வாக்கு நிறைவேற வைப்போம்.

- அ. தாமஸ் சைமன் ராஜ்

இறையியல் 4ஆம் ஆண்டு - 2009

விவிலிய ஞாயிறு - 2010 - “இறைவார்த்தையும் இளைஞர்களும்”

முன்னுரை

வாழ்வு தரும் இறைவார்த்தையின்மீது வற்றாத அன்பு கொண்ட இறைமக்களே, இருபால் இளம் உள்ளங்களே உங்கள் அனைவருக்கும் புனித யுஸ்ரீதா ததேயு பங்கின் 2010 - ஆம் ஆண்டிடுக்கான திருவிவிலிய ஞாயிறு நல்வாழ்த்துகள்.

முன்மதியுடன் முன்னுரிமை அளித்து முன்னேற்றப் பாதையில் அடிவைக்கப் பெயர் சொல்லி அழைக்கப்பட்டுள்ள இளைஞர்கள், நம் நாட்டின், சழூகத்தின் மற்றும் திருச்சபையின் விலை உயர்ந்த சொத்துக்கள்.

அகிலத்தை அறநெறியில் பயணிக்கச் செய்ய முற்படும் ஐ.நா. சபை இருபத்தைந்து ஆண்டுகளுக்கு முன் அனைத்துலக இளைஞர்களுக்கான ஆண்டை பிரகடனப்படுத்தியது. நம் வாழ்வை நாயகர் இயேசுவின் ஒளியில் நாளும் நடத்தி, நாம் அனைவரும் புத்துலகு படைக்கும் சிற்பிகள் என பறைசாற்றிக் கொண்டிருக்கும் கத்தோலிக்கத் திருச்சபையும் அனைத்துலக கத்தோலிக்க இளைஞர் ஆண்டு என அதை ஏற்று சிறப்புச் செய்தது.

ஐந்து ஆண்டுகளாக எத்தனையோ வளர்ச்சித் திட்டங்கள் இளைஞர் வாழ்வை ஏற்றம்பெறச் செய்துள்ளன. இன்னும் அவர்களை எவ்வழியில் முயன்று முன்னேற்றலாம் என்பதை துருவி ஆய்ந்து, துணைநின்று, கடமை ஆற்ற தமிழக ஆயர் பேரவை இவ்வாண்டை இளைஞர் ஆண்டு என அறிவித்துள்ளது. இதனால் இவ்வாண்டு விவிலிய வாரம் மேலும் சிறப்புப் பெற்றுள்ளது.

இவ்வாரம் முழூவதும் இளைஞர்களை மையப்படுத்தி பல்வேறு சிறப்புக் கருத்துகளில் இறைவார்த்தையை வாழ்வாக்க எடுத்த இளைஞர்களுக்கு முத்தாய்ப்பாக இன்று இறைவார்த்தையும் இளைஞர்களும் என்ற மையக்கருத்தில் திருப்பலிக் கொண்டாட்டத்தைச் சிறப்பிக்க இருக்கிறோம். நாம் அனைவரும,; குறிப்பாக இளைஞர்கள் அனைவரும் இறைவார்த்தையில் தாகம்கொண்டு வாழ, அதன் ஒளியில் தங்கள் வாழ்வை அமைத்துக் கொள்ள, அதைச் சான்றுடன் முழக்கமிடும் வாய்ப்பைப் பெற்று வளமாக வாழச் செபிப்போம். இதன் வழியாகத் தலத் திருச்சபையும், இல்லங்களும் இறைவார்த்தைச் சழூகமாக மாற இத்திருப்பலியில் மன்றாடுவோம்.

மன்னிப்பு வழிபாடு

1. தடைகள் அகற்றி தலைநிமிரச் செய்யும் இறைவா!

உம் இறைவார்த்தைப் பணிகளைச் செய்வோரை உதாசீனம் செய்து, அதற்குச் சான்றுரைப்போரை ஏளனம் செய்து எமக்கு நாங்களே தடைகளாக இருந்துவிட்டோம். இதயக் கதவைத் தட்டி எழு, விழி, ஒளிகொடு என எமக்கு விடுக்கப்பட்ட அழைப்புகளை எங்களில் பலர் ஏறெடுத்துப் பார்க்கவில்லை. செவிகொடுத்தும் கேட்கவில்லை. முன்சார்பு எண்ணத்துடன் இறைவார்;த்தைகள் எமக்கு பெரிய முன்னேற்றத்தை அளிக்கப்போவதில்லை என்று பல நேரங்களில் ஒதுங்கி வாழ்ந்து விட்டோம். இக்குற்றங்களை உணர்ந்து இப்போது மன்னிப்பு வேண்டுகின்றோம். எங்களை மன்னித்து உம் உறவில் இணைத்திடும் இறைவா.

2. ஊடகங்களின் பயன்களை உணர்த்திடும் இறைவா!

உள்ளத்தை ஈர்த்து, உணர்ச்சிக்குத் தீனிபோட்டு உருக்குலைக்கும் ஊடகங்கள் பற்றி பல்வேறு சேவை மையங்கள் எடுத்துரைத்தும் பண்பாட்டைச் சீரழிக்கும் ஊடகங்களின் தூண்டுதலால் காலம், பொருள், நற்பெயர், அனைத்தையும் வீணடித்து எங்களில் பலர் உம் அருள் இழந்து நிற்கின்றோம்;. குடும்பத்தை உயர்த்தும் குறிக்கோளைக் குழிதோண்டிப் புதைத்துவிட்டு வரட்டுக் கௌரவம் என்ற போலி வாழ்வில் பற்றுக்கொண்டு கண்ணிருந்தும் குருடர்களாய் எங்களில் பலர் வாழ்ந்து வருகின்றோம். உமது வார்த்தை ஒளியில் மனம் வருந்துகின்றோம்;. எம்மை மன்னித்து பயன்தரும் ஊடகங்களில் பற்றுக்கொண்டு வாழ அருள்புரியும்.

3. ஒளிவீசிக் களிகூர உரிமையுடன் அழைக்கும் இறைவா!

திறமைகளை வெளிப்படுத்தவும், தீமைகளை எதிர்க்கவும் அறப்பணிகள் ஆற்றவும் அன்றாடம் எமக்கு ஏராளமான வாய்ப்புகளை நீர் அளிக்கின்றீர். எங்களில் பலர் அவற்றைப் பயன்படுத்தி சாதனைகள் புரிவதற்குப் பதிலாக சுகந்திரம் என்ற போர்வையால் சோம்பலை அணிந்து கொண்டு உள்ளத்தில் ஊனமுற்று வாழ்ந்துவிட்டோம். ஆன்றோரின் அறிவுரையை அகமேற்க மறுத்துவிட்டோம். தான்தோன்றித் தனமாக தவறுக்குமேல் தவறு செய்தோம். எங்களில் பலர் ஒளிவீசி களிகூர விரும்பாமல் மனம்போன போக்கில் இலக்கின்றி வாழ்கின்றோம். இத்தயை குற்றங்களை நினைத்து மனம் வருந்துகின்றோம். எம்மை மன்னியும்.

முதல் வாசக முன்னுரை (நீதி மொழிகள் 3:1-12)

மேன்மைமிக்கோரின் அறிவுரையை ஆன்ம தாகத்தடன் கேட்டு, ஆண்டவரை மனத்தில் வைத்து செயல்படும்போது நமக்கு அனைத்து நலன்களும் கிட்டும். அவர் நம்மைக் கண்டித்துத் திருத்துவதற்கு முழுமனத்தோடு நம்மை அர்ப்பணிக்கும்போது நாம் வளமான வாழ்வைப் பொறுவோம் எனக்கூறும் இவ்வாசகத்தை நீதி மொழிகள் நூலிலிருந்து வாசிக்கக் கேட்போம்.

இரண்டாம் வாசக முன்னுரை (1திமொத்தேயு 4:6-16)

இளைஞர்கள் கொண்டிருக்க வேண்டிய நற்பண்புக்ள பல. அவை விளைவிக்கும் நற்பண்புகள் பல. கடமையைச் செய்து உரிமையைக் கோருதல் உவகை தரும். நம்பிக்கையுடன் ஒப்படைத்த நற்பணிகளைக் செவ்வென செய்து நற்பேறு பெற்றவர்களாய் வாழ அழைப்பு விடுக்கும் திருத்தூதர் பவுலின் பொன்மொழிகளுக்குச் செவிசாய்ப்போம்.

மன்றாட்டுகள்

1. காரிருள் நீக்கிபேரருள் புரியும் கருணைக் கடலே இறைவா!

இறைவார்த்தைக்குத் தங்களை அர்ப்பணித்து சான்று வாழ்வாலும் சமத்துவ உணர்வாலும் திருச்சபையை வழிநடத்தும் எங்கள் திருத்தந்தை 16-ஆம் பெனடிக்ட், ஆயர்கள், குருக்கள், துறவியர், பொதுநிலையினர் அனைவருக்கும் உமது பேரருளைப் பொழியும். மேலும் அவர்கள் இறைவார்த்தையில் எப்பொழுதும் பற்றுள்ளவர்களாக விளங்க அருள்புரிய வேண்டுமென்று ஆண்டவரே உம்மை மன்றாடுகிறோம்.

2. இம்மை வாழ்வைச் செம்மைப்படுத்தும் இனிய இயேசுவே!

‘உம் ஒழுங்கு முறைகள் எக்காலமும் நீதியுள்ளவை’ என்ற உமது வார்த்தைகளை நாங்கள் திருப்பாடல்கள் நூலில் வாசிக்கின்றோம். எமது வாழ்வு எல்லா விதங்களிலும் ஏற்றம் பெற வேண்டும் என்று விரும்புகின்ற நாங்கள் முறையாக நேர்வழியில் உயர்நிலையை அடைய வேண்டும். குறுக்கு வழியிலோ குதர்க்க நிலையிலோ முன்னேற்றத்தை நாடாமல் உம் வழிகளையும் நெறிகளையும் பின்பற்றி வாழும் மனப்பக்குவத்தை எமக்கு அருளும்படியாக உம்மை மன்றாடுகிறோம்.

3. கனிவுடன் எம்மை வழிநடத்தும் வானகத் தந்தையே இறைவவா!

இளைஞர் ஆண்டைக் கொண்டாடும் எம் பங்கின் இருபால் இளைஞர்களுக்கு உம் வார்த்தைகளே மிகச்சிறந்த வழிகாட்டியாக இருந்து அவர்களை உமது மதிப்பீடுகளின்படி வழிநடத்தவும், அவர்கள் தங்கள் எதிர்காலப் பணிகளைத் தெரிந்து கொள்வதிலும், சரியான வாழ்க்கைத் துணையைத் தேர்வு செய்வதிலும் துணைநிற்க வேண்டுமென்று ஆண்டவரே உம்மை மன்றாடுகிறோம்.

4. சாதனைகள் வழி சரித்திரம் படைக்கும் இறைவா!

எம் பங்கு மக்கள் உம் வார்த்தையின் வல்லமையால் தீமைகளை வெல்லவும், தங்கள் ஆற்றல்களை வெளிப்படுத்தி உலகு, சமூகம், திருச்சபை ஆகியவற்றிற்கு தங்களால் ஆன நம்மைகளைச் செய்யவும், தங்கள் குடும்பங்களில் நல்லுறவுடன் வாழ்ந்து, தங்களது மனமுவந்த பங்கேற்புச் செயல்பாடுகளால் புத்துலகுப் படைக்கும் கருவிகளாய் திகழ அருள்புரிய வேண்டுமென்று ஆண்டவரே உம்மை மன்றாடுகிறோம்.

5. நலன்களுகெல்லாம் ஊற்றான நல்ல தந்தையே இறைவா!

இவ்வாண்டு திருவிவிலிய ஞாயிறுத் திருப்பலியில் பங்கேற்கும் நாங்கள் அனைவரும் நீர் படைத்து வழிங்கியுள்ள தொடர்பு ஊடகங்களின் பயன்பாட்டை நன்கு அறிந்துகொண்டு அவற்றை எமது ஒருங்கிருணைந்த வளர்ச்சிப் பயன்படுத்தவும், அவற்றின் தீமைகளை ஏற்ற முறையில் பிறருக்கு எடுத்துரைக்கவும், இயற்கைப் பேரழிவு ஏதுமின்றி வளமான வாழ்வைப் பெறவும் மேலும் எம் குழந்தைகள் உமது வார்;த்தையின் ஒளியில் வளரவும் அருள்புரிய வேண்டுமென்று ஆண்டவரே உம்மை மன்றாடுகிறோம்.

6. உறவு வாழ்வின் ஊற்றே இறைவா!

‘ழூத்தோர் சொன்ன வார்த்தை அமிர்தம்’ என்ற செம்மொழி தமிழ் உணர்த்தும் ழூதுரைப்படி ஆன்றோர், சான்றோர் கூறும் அறவுரை மற்றும் அறிவுரைகளை ஆய்வுக் கண்ணோட்டத்தில் ஏற்று, மதித்து, கடைபிடித்து வாழவும், எல்லா நிலையினருடனும் வேறுபாடு காட்டாமல் நல்லுறவு கொண்டு வாழவும், அமைதி விரும்பிகளாவும், ஆக்க சக்திகளாகவும் திகழ அருள்புரிய வேண்டுமென்று ஆண்டவரே உம்மை மன்றாடுகிறோம்.

Prepared by

I Year Theology Students (2010)

Good Shepherd Seminary

Coimbatore

விவிலிய ஞாயிறு

திருப்பலி முன்னுரை

“திருச்சபை நம் ஆண்டவரின் திருவுடலுக்கு வணக்கம் செலுத்துவது போல், விவிலியத்திற்கும் என்றும் வணக்கம் செலுத்தி வந்துள்ளது” என்ற இரண்டாம் வத்திக்கான் சங்க ஏடுகளின் கூற்றிற்கு இணங்க, இறை வார்த்தைக்கு வணக்கம் செலுத்தும் விதமாய் இன்று நாம் விவிலிய ஞாயிறை சிறப்பிக்கின்றோம். மனித மீட்புக்காய் மனுக்குலம் வந்த மாபரன் இயேசு தன் திருவுடலை மட்டுமல்ல தமது திரு வார்த்தைகளையும் நமக்கு கொடுத்துவிட்டு சென்றுள்ளார். ஆகவே இறைவார்த்தையானது பல இன்னல்களும், இடையூறுகளும் நிறைந்த நமது அன்றாட வாழ்விற்கு வழிகாட்டியாகவும், திசைகாட்டியாகவும் இருக்கின்றது. திருமுழுக்கின் மூலம் கடவுளின் பிள்ளைகளான நாம், இயேசுவின் உண்மையான சகோதரர்களாக மாற வேண்டுமென்றால் ‘இறைவார்த்தையைக் கேட்டு அதன்படி செயல்பட வேண்டும்’ (லுக் 8:21). மாறிவரும் இன்றைய சூழலில் பல்வேறு சோர்வுகளையும், களைப்புகளையும், தளர்ச்சிகளையும் சந்திக்கும் நாம் இன்று நற்செய்தியி;ல் ‘உமது சொற்களின்படியே வலைகளைப் போடுகிறோம்’ என்று சொன்ன பேதுருவின் மனநிலையை நம்மிலே உருவாக்கிக்கொள்ள வேண்டும். ஆகவே இறைவார்த்தையின் படி வாழவும், அது காட்டும் திசையிலே பயணிக்கவும் வேண்டிய அருளை இத்திருப்பலியில் மன்றாடுவோம்.

முதல் வாசகமுன்னுரை: ( எசா 55: 1, 8-11)

இறைவார்த்தை என்பது ஏதாவது ஒரு நோக்கத்திற்காக ஒவ்வொருவருக்கும் கொடுக்கப்படுகிறது. அது அந்த நோக்கத்தை நிறைவேற்றாமல் திரும்பி செல்லாது எனக்கூறும் எசாயாவின் இறைவாக்கிற்கு செவிமெடுப்போம்.

இரண்டாம் வாசகமுன்னுரை: (1பேது 1:22-25)

கிறிஸ்தவர்களாகிய நாம் ஒவ்வொருவரும் புது பிறப்பை அடைந்துள்ளோம். இந்த புதுப்பிறப்பானது அழியக்கூடிய வித்தினால் கிடைத்ததல்ல. மாறாக, உயிருள்ள, நிலையான, அழியாத வித்தாகிய கடவுளின் வார்த்தையால் கிடைத்தது என்று கூறும் புனித பேதுருவின் சொற்களுக்கு செவிமெடுப்போம்.

மன்னிப்பு மன்றாட்டு

'என்னை மன்னியும் என்னை மன்னியும் இயேசுவே என்னை மன்னியும்'.

1. “சிலவிதைகள் வழியோரம் விழுந்தன. பறவைகள் வந்து அவற்றை விழுங்கிவிட்டன”.

வார்த்தையான இறைவா! உம்முடைய இறைவார்த்தை எங்கள் உள்ளங்களில் விதையாக விதைக்கப்பட்ட போது, நாங்கள் அதைக் கேட்டு புரிந்து கொள்ளாமலும், அதன் உண்மையான பொருள் மறையுரைகளில் எடுத்து சொல்லப்பட்டப் போது கேட்காமலும் இருந்த நேரங்களுக்காய் மனம் வருந்துகிறோம் மன்னித்தருளும் இறைவா.

2. “ சிலவிதைகள் மண் இல்லாப் பாறை பகுதியில் விழுந்தன. அவைக் காய்ந்து வேரில்லாமையால் கருகிப்போயின”

வழிகாட்டும் இறைவா! நாங்கள் பாறை நிலம் போல் உமது வார்த்தையைக் கேட்டவுடன் மகிழ்ச்சியோடு ஏற்றுக்கொள்கிறோம். ஆனால் எங்கள் வாழ்வில் இன்னலோ, வேதனையோ அடையும்போது இறைவார்த்தையை மறந்து, உதரித்தள்ளியிருக்கிறோம். ஆகவே உம்முடைய வார்த்iதையில் நிலைத்து நிற்காத நேரங்களுக்காய் மனம் வருந்துகிறோம் எங்களை மன்னியும் இறைவா.

3. “சில விதைகள் முட்செடிகளின் இடையே விழுந்தன. முட்செடிகள் வளர்ந்து அவற்றை நெருக்கிவிட்டன”.

வாழ்வளிக்கும் இறைவா! முட்செடிகளின் இடையே விழுந்த விதைகளைப் போல், நாங்கள் உலக கவலைகளாலும், செல்வமாயையைகளாலும் நாங்கள் நெருக்கப்பட்டு பயன் அளிக்காமல் போன நேரங்களை நினைத்து மனம் வருந்துகிறோம் எங்களை மன்னியும் இறைவா.

விசுவாசிகள் மன்;றாட்டு

1. திருவிவிலியம்

“புல் உலர்ந்துபோம்;, பூ வதங்கி விழும், நம் ஆண்டவரின் வார்த்தையோ என்றென்றும் நிலைத்திருக்கும்” (எசா40:8).

அன்பின் இறைவா! எங்கள் திருஅவையை வழிநடத்தும் திருதந்தை பதினாறாம் ஆசீர்வாதப்பர், எங்கள் ஆயர் மேதகு. தாமஸ் அக்குவினாஸ், ஏனைய ஆயர்கள், குருக்கள், துறவியர் அனைவரும், என்றென்றும் நிலைத்திருக்கும் உமது வார்த்தையை தங்கள் மனதில் பதித்து, அதன்படி தங்கள் வாழ்வை அமைத்துக் கொள்ள வரம் அருள இறைவா உம்மை வேண்டுகிறோம்.

2. ஒளி

“ என் காலடிக்கு உம் வாக்கே விளக்கு! என் பாதைக்கு ஒளியும் அதுவே” (திபா 119:105).

நீதியின் இறைவா! எங்கள் நாட்டை ஆளும் அரசியல் தலைவர்கள், உம்முடைய வார்த்தையை அவர்களின் பாதைக்கு ஒளியாக கொண்டு, நீதி, உண்மை, நேர்மை போன்ற உயரிய மதிப்பீடுகளை தங்கள் வாழ்வில் ஏற்று வாழ வரம் அருள இறைவா உம்மை மன்றாடுகிறோம்.

3. தண்ணீர்

“ஆண்டவரே நாங்கள் யாரிடம் போவோம்? நிலைவாழ்வு தரும் வார்த்தைகள் உம்மிடம் தானே உள்ளன” (யோவா 6:68).

இரக்கத்தின் இறைவா! தண்ணீர் ஜீவராசிகளுக்கு வாழ்வளிப்பதுபோல், உம்முடைய வார்த்தையே எங்களுக்கு நிலைவாழ்வை அளிக்கும் என்பதை நாங்கள் உணர்ந்து கொண்டு, எங்கள் வாழ்வில் இன்னல்கள், இடையூறுகள், துன்பங்கள் ஏற்படும் போது உம்மைவிட்டு விலகி செல்லாமல், உம்மை நாங்கள் நாடி வர வரம் அருள இறைவா உம்மை மன்றாடுகிறோம்.

4. அப்பம்

“வாக்கு மனிதர் ஆனார், நம்மிடையே குடிக்கொண்டார்” (யோவா 1: 14).

வல்லமையுள்ள இறைவா! மனிதனாக உருவெடுத்த நீர் எங்களிடையே குடிகொள்ள இந்த அப்பத்தைத் தேர்ந்தெடுத்தீர். இந்த அப்பத்தை உமது திருவுடலாக மாற்றுகின்ற எங்கள் பங்கு குருக்களுக்காவும், மற்றும் ஏனைய குருக்களுக்காவும் நாங்கள் இப்போது மன்றாடுகின்றோம். அவர்கள் அனைவரும் உமது இறைவார்த்தையின் சாட்சிகளாக வாழ வரம் அருள இறைவா உம்மை மன்றாடுகின்றோம்.

Prepared by

I Year Theology Students (2010)

Good Shepherd Seminary

Coimbatore