அப்பா பிதாவே
அப்பா பிதாவே (3) பிதாவே
1.
உம் தூய நாமம் வாழ்கவே
உம் தூய அரசு வருகவே
உம் அன்பு எம்மில் பெருகவே
உம் பண்பு எம்மில் வளரவே
2.
விண்ணக வாசிகள் வாழ்வது போல்
மண்ணக மாந்தரும் வாழ்ந்திடுக
உம் சித்தம் எம்மில் நிறைவேறுக
உம் திட்டம் எம்மில் பலன் தருக
3.
அன்றாட உணவைத் தந்தருளும்
ஆவியை எம்மேல் பொழிந்தருளும்
உம்திரு வாக்கை நல் உணவாக
உண்டு மகிழவே செய்தருளும்
4.
பிறர் குற்றம் நாங்கள் பொறுப்பது போல்
எம் குற்றம் நீரே பொறுத்தருளும்
சோதனை நின்று நீர் காத்தருளும்
சோதிக்கும் சாத்தானை விரட்டி விடும்
கருத்துகள் இல்லை:
கருத்துரையிடுக