தூய ஆவியே

தூய ஆவியே
துணையாய் நீர் வருவீர்
இறை வல்லமையும்
இறை ஞானத்தையும்
நிறைவாய் என்னில்
பொழிந்தருள்வீர் -2
வாரும் வாருமே என்னில்
நிறைவாய் வாருமே -2

1
பகைமையை நான் அழிக்க
நல் அன்பை தாருமே
மன்னிப்பில் தினம் வளர
நல்ல மனதினை தாருமே
நீதி நேர்மை உண்மை வழியில்
நடந்திட வாருமே -2
வாரும் வாருமே என்னில்
நிறைவாய் வாருமே-2

2
அமைதியில் நான் வாழ
உம் கனிகளால் நிரப்புமே
மகிழ்வுடன் பணிசெய்ய
உமதாற்றலை தாருமே
தாழும் போதும் வீழும் போதும்
தாங்கிட வாருமே -2
வாரும் வாருமே என்னில்
நிறைவாய் வாருமே